Munum eftir að flokka um jólin skrifaði - 21.12.2015
14:12
Þá fara jólin að ganga í garð með allri sinni gleði og yndislegheitum... og líka auka rusli.
Jólapappír er endurvinnanlegur líkt og annar pappír og oft er jafnvel hægt að endurnýta hann að ári. Stundum er reyndar innpökkunarpappír úr plasti og þá á hann heima með því.
Týpískir jólaborðar eru úr plastefni og flokkast sem slíkt.
Slaufur og efnisborða má endurnýta næstum fram í hið óendanlega.
Orabaunirnar koma í dós sem auðvelt er að þrífa og flokka með öðrum málmum. Sama máli gegnir um lokið á rauðkálskrukkunni.
Krukkur flokkast með öðru því gleri sem ekki er skilagjald á.
Fernur utan af þeim mikla rjóma sem notast yfir hátíðirinar (m.a. í möndlugraut og jólaís) flokkast með öðrum fernum.
Matarafganga er hægt að nýta í moltugerð eða t.d. sem fæði fyrir hænur í sveitarfélaginu.
Umframorku af jólaáti má nýta í létt skokk eða jólaljósagöngu.
Svo er hægt að styðja félög og góð málefni með því að gefa flöskur og dósir.
