Djúpivogur
A A

Aðalvefur

Ljósin tendruð á jólatré Djúpavogshrepps

Ljósin á jólatré Djúpavogshrepps verða tendruð fyrsta sunnudag í aðventu þann 1. desember kl. 17:00, á Bjargstúni.

Grunnskólanemi kveikir jólaljósin.

Sungið og dansað í kringum jólatréð.

Jólasveinar kíkja í snemmbúna heimsókn niður í mannabyggð með sitthvað í pokahorninu.

Jólatréð er gjöf frá Skógræktarfélagi Djúpavogs.

Cittaslow

Fjölskyldustund á aðventu

Fjölskyldustund á aðventu í Djúpavogskirkju, 1. desember kl. 14:00.

29.11.2019

Fiskeldi Austfjarða auglýsir

Fiskeldi Austfjarða leitar að áhöfn á nýjan þjónustubát.

Við leitum að duglegum, samviskusömum og Jákvæðum liðsauka til að vinna með okkur þau verkefni sem þjónustubáturinn sinnir í Fáskrúðs- og Berufirði.

28.11.2019

Djúpavogshreppur er sigurvegari Spurningakeppni Neista 2019

Laugardaginn 23. nóvember fóru fram úrslit í Spurningakeppni Neista 2019 á Hótel Framtíð. Fjögur lið höfðu tryggt sér þátttöku í úrslitunum, Djúpavogshreppur, Leikskólinn Bjarkatún, Baggi ehf. og Skákfélag Djúpavogs. Í fyrstu viðureign kvöldsins hafði Djúpavogshreppur tæpan sigur gegn leikskólanum og annarri viðureigninni fór Baggi ehf. nokkuð létt með Skákfélagið.

Djúpavogshreppur mætti síðan Bagga í úrslitum og þar höfðu þau fyrrnefndu yfirburði á flestum sviðum og stóðu uppi sem sigurvegarar.

Verðlaunin voru að sjálfsögðu hinn eftirsótti farandbikar auk fjölmargra vara sem unnar eru hér í Djúpavogshreppi.

Það var gaman að sjá hve vel var mætt og má segja að húsfyllir hafi verið og stemmningin eftir því.

Við óskum Djúpavogshreppi til hamingju með sigurinn.

Cittaslow

Starf lögfræðings hjá Sambandi íslenskra sveitarfélaga

Samband íslenskra sveitarfélaga hyggst ráða lögfræðing á lögfræði- og velferðarsviði. Lögfræðingar sambandsins koma fram fyrir þess hönd við undirbúning lagafrumvarpa og stjórnvaldsfyrirmæla sem varða sveitarfélögin og vinna að upplýsingagjöf, ráðgjöf og fræðslu til sveitarfélaga. Lögfræðingurinn mun starfa ásamt öðrum lögfræðingum og sérfræðingum sviðsins að margþættum og síbreytilegum verkefnum, sem meðal annars varða skipulags-, umhverfis- og auðlindamál, skólamál, málefni félagsþjónustu sveitarfélaga og túlkun laga og reglna sem varða starfsemi sveitarfélaga.

26.11.2019

Fyrsti samráðsfundur með starfsfólki sameinaðs sveitarfélags

Undirbúningsstjórn sem vinnur að innleiðingu sameinaðs sveitarfélags leggur mikla áherslu á að sameiningarferlið verði gagnsætt og upplýsingar aðgengilegar um verkefnin framundan. Starfsfólk sveitarfélaganna eru lykilaðilar í því að vel takist til og var ákveðið að fyrsta verkefni væri hefja samráð við starfsfólk.

26.11.2019

Æskulýðsstarf í Djúpavogskirkju

Æskulýðsstarf í Djúpavogskirkju, miðvikudaginn 27. nóvember.

Cittaslow

Sveitarstjórnarkosningar í apríl 2020

Sveitarstjórnir Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar hafa skipað undirbúningsstjórn sem skal undirbúa stofnun nýs sveitarfélags. Íbúar sveitarfélaganna samþykktu sameiningu sveitarfélaganna með afgerandi hætti þann 26. október síðastliðinn. Áætlað er að kosið verði til nýrrar sveitarstjórnar eftir páska og að nýtt sveitarfélag taki til starfa í lok apríl eða byrjun maí. Fram að þeim tíma starfa sveitarfélögin fjögur eins og verið hefur.

25.11.2019

Fermingarbörn ganga í hús fyrir Hjálparstarf kirkjunnar

Fermingarbörn á Djúpavogi ganga í hús og safna fyrir Hjálparstarf kirkjunnar, mánudaginn 25. nóvember.

Margt smátt gerir eitt stórt.

Fermingarbörn af öllu landinu safna fé til verkefna í Úganda og Eþíópíu.

Sóknarprestur

25.11.2019

Jólamatseðill Hótels Framtíðar 2019

Sjá meðfylgjandi jólamatseðil sem gildir á Hótel Framtíð dagana 1. - 8. desember.

Cittaslow

Innanfélagsmót Neista í sundi

Laugardaginn 30. nóvember ætlum við að halda innafélagsmót í sundi í tilefni af 100 ára afmæli Neista. Mótið er í boði fyrir alla Djúpavogsbúa frá 1. bekk og uppúr. Greinarnar sem keppt verður í eru bringusund, skriðsund, baksund, flugsund, fjórsund og boðsund. Íþróttamiðstöð opnar kl. 9:30 og mót hefst kl. 10:00, áætluð mótslok eru kl 12:30.

Ef þið viljið skrá ykkur á mót þá sendið póst á neisti@djupivogur.is þar sem kemur fram nafn, aldur og í hvað greinum óskað er eftir að keppa í. Skráningarfrestur er miðvikudagurinn 27. nóvember. Athugið að það er ekkert aldurstakmark á keppendur þannig að endilega takið þátt í þessu skemmtilega afmælismóti!

Áfram Neisti!

Cittaslow

Söngur í Tankinum

Á N4 í gær birtist viðtal við Djúpavogsbúann Berglindi Einarsdóttur um Tankinn okkar góða og ferðaþjónustufyrirtækið hennar Adventura.

Hægt er að skoða myndbandið í spilaranum hér fyrir neðan.

Cittaslow

Klikk eða kósí!

KLIKK EÐA KÓSÝ!

Viltu fleiri gæðastundir, meira skipulag og fá sem allra mest út úr tíma þínum?

Ef svarið er já gæti viðburðinn KLIKK EÐA KÓSÝ! verið eitthvað fyrir þig.

Flottir viðburðir sem stuðla að jafnvægi og þægindum í desember:

Pakkhúsið Hornafirði- Þriðjudaginn 26. nóvember (skráning til miðnættis 25. nóv.)

Hótel Framtíð Djúpavogi- Fimmtudaginn 28. nóvember (skráning til miðnættis 27. nóv.)

Tehúsið Egilsstöðum- Fimmtudaginn 5. desember (skráning til miðnættis 1. des.)

Dagskrá:

Kl. 19:00- Húsið opnar, boðið er upp á súpu og meðlæti sem borðað er í rólegheitum yfir dagskránni.
Kl. 19:15- Tilfinningar, tryllingar og triggerar” Fyrirlestur frá Ágústu Margréti Arnardóttur markþjálfa
Kl. 19:50- Boltarúll- nudd og notalegheit, hreyfing og teygjur með Kolbrúnu Björnsdóttur markþjálfa og einkaþjálfa
Kl. 20:15- Kaffi, te, meðlæti og spjall.
Kl. 20:30- Grýlulaus jól“ Fyrirlestur frá Kolbrúnu Björnsdóttur markþjálfa og einkaþjálfa
Kl. 21:05- Hugleiðsla með Maríu Viktoríu Einarsdóttur
Kl. 21:15- Spurningar, spjall og vinnustofur:

  • Sólahringurinn- hefurðu raunverulega „engan tíma“?
  • Daglegar venjur í desember- Hvað LANGAR þig að gera á aðventunni?
  • Skipulag- Hvað ÞARFTU að gera í desember?
  • Óskalistinn- Hvernig er drauma desember fyrir þér?
  • Einfaldaðu líf þitt- það gefur frelsi, tíma og orku. Er það eitthvað fyrir þig?

Kl. 21:50- Kveðja og hvatning frá Kollu og Ágústu
Kl. 22:00- Dagskrá lýkur

Verð 4.900 kr.

Nánari upplýsingar og skráning á agusta.coach@gmail.com og kolla@sporthollin.is

Auk þess er hægt að skrá sig hér: bit.ly/klikkedakosy

https://www.facebook.com/kollatobba

https://www.facebook.com/AgustaMargretMarkthjalfi

21.11.2019

Fjögur lið komin í úrslit í Spurningakeppni Neista

Fjögur lið eru komin í úrslit í spurningakeppni Neista eftir þrjú undankvöld.

Það voru Djúpavogshreppur, Baggi ehf. og Skákfélag Neista sem komust áfram sem sigurvegarar sinna kvölda og Leikskólinn komst áfram sem stigahæsta tapliðið.

Á fyrsta kvöldi sló Djúpavogshreppur út lið Hótels Framtíðar og Fiskeldi Austfjarða sló út Búlandstind. Í úrslitum þess kvölds vann svo Djúpavogshreppur lið Fiskeldisins og komst þannig áfram.

Á öðru kvöldi sló leikskólinn út starfsfólk grunnskólans og Baggi ehf. sló út Við Voginn. Í úrslitum þess kvölds vann svo Baggi ehf. lið leikskólans og komst þannig áfram.

Á þriðja kvöldi slógu nemendur grunnskólans 2 út nemendur grunnskólans 1 og Skákfélag Neista sló út Kvenfélagið. Í úrslitum þess kvölds vann svo Skákfélagið lið nemenda grunnskólans 2 og komst þannig áfram.

Leikskólinn var svo stigahæst tapliðanna og fer því í úrslit.

Úrslitakvöldið fer fram á Hótel Framtíð laugardaginn 23. nóvember kl. 20:00.

Aðgangseyrir er kr. 1.000 en börn til fermingaraldurs fá frítt inn.

UMF Neisti

Cittaslow
18.11.2019

Jólahlaðborð Tryggvabúðar 2019

Jólahlaðborð í Tryggvabúð á Djúpavogi verður haldið laugardaginn 30. nóvember kl. 18:00.

Allir 60 ára og eldri velkomnir á með húsrúm leyfir.

Aðgangseyrir kr. 3.500.-

Skráning í síma 470-8745 fyrir 27. nóvember 2019.

Skvísurnar í Tryggvabúð.

Cittaslow

Ormahreinsun hunda- og katta á Djúpavogi

Hákon Hansson dýralæknir verður í áhaldahúsinu á Djúpavogi til að gefa hundum og köttum inn ormalyf, þriðjudaginn 19. nóvember kl. 12:30 til 13:30.

Mikilvægt er að öllum hundum og köttum sé gefið inn til að tryggja að vöðvasullur breiðist ekki út á Austurlandi.

Ef einhver hefur ekki tök á að mæta má viðkomandi hafa samband við Hákon.

18.11.2019

Rithöfundalest(ur) í Löngubúð

Djúpavogshreppur býður íbúum í upplestur í Löngubúð, Sunnudaginn 17. nóvember frá 14:00.

Girnilegar kökur til sölu, ásamt kaffi, kakó og öðrum veigum.

Hvetjum alla til að mæta.

Atvinnu- og menningarmálanefnd Djúpavogshrepps

14.11.2019
11.11.2019

Spurningakeppni Neista 2019

Spurningakeppni Neista hefst þriðjudaginn 12. nóvember.

Undankeppnirnar fara fram í Löngubúð þriðjudaginn 12. nóvember, fimmtudaginn 14. nóvember og þriðjudaginn 19. nóvember. Úrslitakvöldið fer fram laugardaginn 23. nóvember á Hótel Framtíð.

Aðgangseyrir er 1000 kr. börn fá frítt til fermingarárs. Keppninrnar hefjast á slaginu kl. 20:00 því er gott að mæta tímanlega ef versla á kræsingar í Löngubúð.

Hvetjum alla til að mæta og fyrlgjast með æsipennandi spurningakeppnum!

UMF Neisti

Jólablað Bóndavörðunnar 2019

Jólablað Bóndavörðunnar kemur út fimmtudaginn 28. nóvember nk. og við erum að safna efni. Jólasögur og draugasögur; lygasögur og sannar sögur; þjóðlegur fróðleikur og annar fróðleikur, allt er þetta áhugavert efni í blaðið, lumar þú á einhverju slíku? Svo er þetta kjörið tækfæri fyrir öll skúffuskáld og önnur skáld að taka aðeins til í handraðanum og senda okkur efni.

Skilafrestur á efni og auglýsingum í Bóndavörðuna er til 14. nóvember nk.

Þeir sem eig eru áhugasamir um að koma sínu efni eða auglýsingum á framfæri, eru beðnir um að senda upplýsingar til Bergþóru Birgisdóttur bergthora@djupivogur.is.

Hlökkum til að heyra frá ykkur.

Kveðja,
Bergþóra Birgisdóttir og Ásdís H. Benediktsdóttir

Cittaslow

Hreinsun og sorphirða

Nú er komin töluverð reynsla á þriggja tunnu kerfið sem tekið var í notkun í tengslum við hreinsun og sorphirðu i sveitarfélaginu.

Með því steig Djúpavogshreppur ákveðið skref í átt að umhverfisvænna samfélagi með því að auka flokkun frá heimilum og stofnunum og draga þannig úr sorpmagni sem fer til urðunar.

Í þéttbýlinu eru allar tunnur losaðar á þriggja vikna fresti. Í dreifbýli eru Gráa tunnan losuð á þriggja vikna fresti en Græna tunnan á sex vikna fresti, enda eru íbúar í dreifbýli með 660 lítra kar undir endurvinnsluhráefnin. Innihald Grænu tunnunnar er flokkað frekar hjá ÍGF og sent til endurvinnslu. Mikilvægt er að hafa í huga að óhreint hráefni hentar ekki til endurvinnslu og ætti að fara með almennu sorpi í Gráu tunnuna.

Lífræni eldhúsúrgangurinn í Brúnu tunnunni er nýttur til jarðgerðar, þ.e.a.s. búin er til molta sem er næringarríkur jarðvegsbætir sem t.d. getur nýst vel til landgræðslu.

Til að stuðla að enn frekari flokkun lífræns úrgangs hefur sveitarfélagið ákveðið að bjóða heimilum án endurgjalds körfu undir lífrænan úrgang. Með körfunni fylgir ein rúlla af maíspokum. Hægt er að nálgast körfurnar í áhaldahúsinu og eru þau heimili sem ekki eru með slíka körfu nú þegar hvött til að nýta sér þetta tækifæri.

Sveitarstjóri

08.11.2019

Dagar myrkurs í leikskólanum

Dagar myrkurs voru í síðustu viku og var leikskólinn allur dimmur og drungalegur þegar börnin mættu í leikskólann. Búið var að skreyta húsið hátt og lágt, kveikt var á lömpum og öll lýsing í lágmarki. Allir máttu hafa með sér vasaljós til að lýsa upp myrkrið. Börnin á Krummadeild voru inn á deild með kósýheit á meðan börnin á Kríudeild mættu úti og nutu veðurblíðunar. Morgunmaturinn var úti fyrir þau og var mjög mikið fjör að borða hafragrautinn úti.

Eftir morgunmatinn var hlaupið um og leikið með vasaljósin. Í útiverunni var síðan blásnar sápukúlur sem vakti mikla lukku.

Þó svo að dagar myrkurs hafi byrjað um miðja síðustu viku þá hafði hópstarfið dagana á undan einkennst af dögum myrkurs. Það var draugabyggingar í kubbastarfinu en alveg myrkur var á deildinni og fengu börnin rafmagnskertaljós til að setja í byggingarnar. Eins og sjá má var mjög mikið myrkur.

Þórdís Sigurðardóttir

Cittaslow

Sóknaráætlun Austurlands 2020-2024

Sóknaráætlun Austurlands fyrir árin 2020-2024 hefur verið send inn í opið samráðferli þar sem allir geta sent inn ábendingar og tillögur varðandi áætlunina; markmið hennar og innihald.

Sóknaráætlun Austurlands 2020-2024 er þróunaráætlun landshlutans og felur í sér stöðumat hans, framtíðarsýn, markmið og aðgerðaáætlun til að ná fram þeirri framtíðar­sýn. Áætlunin er unnin samkvæmt samningi Sambands sveitarfélaga á Austurlandi (SSA) við samgöngu- og sveitar­stjórnarráðuneyti og mennta- og menningarmálaráðuneyti.

02.11.2019