Pétur og úlfurinn

Verður á Hótel Framtíð miðvikudaginn 10. október kl. 10:00. Sýningin tekur u.þ.b. 40 mínútur. Eldri borgurum í Djúpavogshreppi er boðið á sýninguna og þeir foreldrar sem vilja koma og sjá sýninguna með sínu barni þurfa að styrkja sýninguna um 500 kr. á móti til foreldrafélagsins.
Sýningin er í boði:
Djúpavogshrepps
-menningarmálanefndar
-grunnskóla
-leikskóla
Foreldrafélag grunnskólans
Foreldrafélag leikskólans

Bernd Ogrodnik brúðuleiklistarmaður, er nú mættur aftur með hina bráðskemmtilegu og gullfallegu sýningu sína, Pétur og úlfinn. Hann frumsýndi þessa sýningu á leikskólunum í fyrra haust og setti hana svo upp í Þjóðleikhúsinu eftir áramót. Sýningin fékk frábæra aðsókn og toppdóma gagnrýnenda.
Sýningin var tilnefnd til Grímunnar sem besta barnaleiksýning síðasta árs.
Sýningin, Pétur og úlfurinn, er byggð á hinni óviðjafnanlegu sögu og tónverki, ,,Pétur og úlfurinn” eftir Sergei Prokofiev. Prokofiev samdi þetta fallega tónverk í þeim tilgangi að kenna börnum að skilja og njóta tónlistar. Bernd færir okkur þetta yndislega ævintýri á formi brúðuleikhúss, þar sem tónlistin er birt myndrænt, með aðstoð handútskorinna leikbrúða sem Bernd stjórnar af sinni alkunnu snilld.

s	m	þ	m	f	f	l
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30

Sjá alla viðburði