Fundargerð

Fimmtudaginn 6.janúar 2000 kl. 20.00 kom sveitarstjórn Djúpavogshrepps saman í fundarsal sveitarfélagsins Búlandi 3.

Mættir voru: Kristján Ingimarsson, Gautur Svavarsson, Stefán Kjartansson, Ólafur Ragnarsson, Haukur Elísson, Guðmundur Valur Gunnarsson, Ragnhildur Steingrímsdóttir sem stjórnaði fundi og Lilja B. Kristjánsdóttir sem ritaði fundargerð.

1. Kosning fulltrúa í skólanefnd

2. Myndlistaskóli Austurlands Stöðvarfirði

3. Sala á jörðinni Hofi

4. Kerhamraskóli "Lakkrísverksmiðja"

5. Bréf til sveitarstjórnar.

 

1. Kosnir voru fulltrúar í skólanefnd og er hún skipuð þannig:

Aðalmenn: Guðrún Anna Eðvaldsdóttir, Stefanía Hannesdóttir, Þórlaug Másdóttir, Kristlaug Sigurðardóttir, Emil Karlsson
Varamenn: Guðný Jónsdóttir, Guðlaugur Valtýsson, Sigurður Arnþórsson, Stefán Dónaldsson, Kristborg Á.Reynisdóttir.

2. Ragnhildur las upp bréf frá Stöðvarhrepp um drög að stofnun Myndlistarskóla Austurlands. Sveitarstjórn finnst málið áhugavert en sér sé ekki fært að veita fjármagni til verksins á þessu stigi.

3. Farið var yfir kauptilboð á jörðinni Hofi Djúpavogshreppi, sveitarstjórn samþykkir að neyta ekki forkaupsréttar að jörðinni.

4. Ólafur útskýrði starfsemi á lakkrísverksmiðju, sem áætlað er að starfrækja í Kerhamraskóla, ákveðið var að leigja húsið undir starfsemina í allt að 5ár og að leigan að því verði hlutafjárframlag sveitarfélagsins. Leigutakar greiði rekstrarkosnað húsnæðisins.

5. Lagðar voru fram fundargerðir og bréf sem borist höfðu sveitarstjórn.

a) Fundargerð hafnarnefndar frá 29.desember.

b) Fundargerð sveitarstjórnar frá 7.desember.

c) Bréf undirritað af Hrafnhildi Kristjánsdóttur f.h. foreldra barna á heimavist, bílstjóra, heimavistarstjóra, um úrbætur sem þeim finnst þurfi að gera á húsnæðinu.

d) Bréf frá Óperustúdíói Austurlands, þar sem beðið er um 15.000kr. fjárstyrk vegna hátíða sem halda á á Austurlandi í júní á þessu ári. Samþykkt var veita þeim þann styrk.

Fleira ekki tekið fyrir,
fundi slitið.