Fimmtudagur, 19. apríl
Hótel Framtíð

Íris Birgis og Tómas Jónsson

Heiðurinn af opnunaratriði hátíðarinnar í ár eiga þau Íris Birgisdóttir og Tómas Jónsson. Íris er okkur hér á Djúpavogi að góðu kunn því hér fæddist og ólst hún upp. Þau Íris og Tómas stunda bæði nám í Tónlistarskóla F.Í.H. og má geta þess að Tómas fékk verðlaun s.l. vetur sem afburðanemandi, sem kemur okkur Hammondhátíðarfólki ekki á óvart, eftir að hafa heyrt og séð piltinn hér með Landsliðinu vorið 2011.

Þorleifur Guðjónsson
og SAMSARA

Þorleifur Guðjónsson - bassi, söngur
Friðrik Geirdal Júlíusson - trommur
Mick Pollock, gítar og söngur
Sigurður Sigurðsson, munnharpa og söngur
Bergþór Morthens, gítar söngur
Sigurður Kristinsson, hljómborð

Gestir:
Garðar Harðarson
Jón Hilmar Kárason

Þorleifur Guðjónsson og félagar í SAMSARA leika nú í fyrsta sinn utan höfuðborgasvæðisins og verður aldeilis spennandi að heyra hvað þeir hafa upp á að bjóða. Til að efla sitt austfirska blóð í æðum fá þeir svo til liðs við sig Garðar Harðar og Jón Hilmar þegar líða tekur á kvöldið og hver veit nema Tómas og hr. Hammond sjálfur, Svavar Sigurðsson, láti eitt sóló fjúka.

Austfirðingar ! Fyllum kofann !

Sjá nánar á www.djupivogur.is/hammond